Ökuréttindi
Sérstök námskeið vegna akstursbanns og sviptingar bráðabirgðaskírteinis
Markmiðið með sérstöku námskeiði er að stuðla að bættri hegðun byrjanda í umferðinni og að hann sýni meiri löghlýðni við umferðarreglur.
Sérstakt námskeið er fyrir handhafa fyrsta bráðabirgðaskírteinis sem fær akstursbann við fjórða refsipunkt, fær sviptingu vegna hraðaksturs eða aksturs undir áhrifum áfengis, ávana- eða fíkniefna.
Hver byrjandi fer aðeins einu sinni á slíkt námskeið á tíma bráðabirgðaskírteinis.
Á sérstöku námskeiði er lögð megináhersla á eftirfarandi:
- Áhættuþættir umferðar.
- Ábyrgð ökumanns og viðhorf til áhættutöku.
- Skilningur byrjandans á tilgangi umferðar og áhrifum sálrænna og félagslegra þátta.
- Hæfni byrjandans til að taka ábyrgar ákvarðanir í umferðinni.
- Fylgni byrjandans við fyrirmæli umferðarlaga, reglugerða og annarra reglna sem settar eru um akstur og umferð og skilningur hans á þeim.
Námskeiðið tekur þjár vikur, er í fjórum lotum, þrjár kennslustundir í senn með viku millibili, alls 12 kennslustundir. Auk þess eru tveir verklegir ökutímar. Sá sem er í akstursbanni getur farið á sérstakt námskeið þegar það býðst og þegar það hentar honum.
Kennt er í samræmi við námskrá Umferðarstofu:
Námskrá fyrir sérstakt námskeið vegna akstursbanns eða sviptingar bráðabirgðaskírteinis (260 KB)Að námskeiði loknu leggur byrjandinn inn umsókn um endurveitingu ökuskírteinis með vottorði um að námskeiði sé lokið. Þá er gefin út próftökuheimild og þarf byrjandinn að endurtaka ökuprófið, bæði skriflega og verklega prófið.
Fylla þarf út skráningarform hér að neðan. Síðan að velja ökuskóla af listanum sem birtist hér fyrir neðan.
Eftirfarandi ökuskólar hafa leyfi Umferðarstofu til að halda námskeið. Námskeið hefst á tilgreindum degi, fáist næg þátttaka (6 til 12 þátttakendur).
Námskeið eru haldin annars staðar á landinu eftir þörfum. Getur þú ekki nýtt þér námskeið á þeim stöðum sem boðið er upp á hér fyrir neðan skaltu senda póst á okuprof@us.is
Það verður að skrá sig á námskeið hjá skólanum áður en námskeið hefst.
Upplýsingar um næstu sérstöku námskeið
|
Námskeið haldin í Reykjavík: |
Næsta námskeið |
|
Ökukennsla 17.is |
11. september |
|
Ökuskóli Kópavogs |
|
|
Ökuskóli Suðurlands - námskeið í Reykjavík |
7. september |
|
Ökuskólinn í Mjódd |
|
|
|
|
|
Námskeið haldin utan Höfuðborgarsvæðisins: |
Næsta námskeið |
|
AKUREYRI Ökuskólinn á Akureyri |
|
|
EGILSSTAÐIR Ökukennsla 17.is |
