Forvarnir erlendra ökumanna

Umferðaróhöpp þar sem erlendir ökumenn eru orsakavaldar jafngilda 5% allra umferðarslysa á landinu. Markmið aðgerða er að fækka slysum þar sem erlendir ferðamenn eru orsakavaldar um 10%, það er fækkun látinna um 0,2 og fækkun alvarlegra slasaðra um 1,2 að meðaltali á ári.
Umferðarstofa hefur látið framleiða sérstakt myndband fyrir erlenda ferðamenn. Myndbandið er á fjórum tungumálum; ensku, frönsku, spænsku og þýsku. Myndbandið er að finna á www.drive.is. Í myndbandinu er farið yfir allar þær hættur sem að erlendum ferðamönnum steðja á ferðum sínum um þjóðvegi landsins. Myndbandið er einnig að finna á heimasíðu Ferðamálaráðs auk fjölda bílaleiga.