Hraðakstur og bílbeltanotkun

Hraðakstur er algengasta orsök banaslysa í umferðinni. Stefnt er að því að fækka dauðaslysum, sem rekja má til hraðakstur eða þess að bílbelti var ekki notað, um að meðaltali 2,5 á ári og fækkun alvarlegra slasaðra af sömu orsökum um 4,8 að meðaltali á ári.

Aðgerðir sem ætlað er að skili mestum árangri eru; aukið eftirlit lögreglu um allt að helming einkum á þekktum slysaköflum. Einnig að bæta tækjabúnað lögreglu verulega til að gera eftirlitið skilvirkara. Aðrar aðgerðir sem unnið verður að til að draga úr hraðakstri eru fastir myndavélapunktar, meðalhraðaeftirlit á löngum vegköflum, færanlegar myndavélar og aukið eftirlit lögreglu á þekktum slysastöðum yfir sumarmánuðina auk áróðurs og fræðslu.