Umferðaröryggi
Lyf og áfengi
Akstur undir áhrifum lyfja og áfengis er ein helsta orsök alvarlegra slysa í umferðinni. Öllum ætti að vera ljóst að til að stjórna ökutæki þarf ökumaður að vera með dómgreindina og athyglina í lagi og geta brugðist við óvæntum aðstæðum. Neysla áfengis og lyfja dregur úr viðbragðsflýti og dómgreind ökumanna, sljóvgar skynfæri þeirra eða örvar sem getur valdið vanmati á aðstæðum og eigin hæfni.
Lesa meira . . .
Svefn við stýrið
Þreyta dregur úr viðbragðsflýti og athygli ökumanna og getur því leitt til þess að þeir bregðist seint eða jafnvel ekki við þegar eitthvað óvænt kemur upp á í umferðinni. Mesta hættan sem stafar af þreyttum ökumönnum er þó sú að þeir hreinlega sofni við stýrið en það hefur því miður reynst vera hinsti svefn allt of margra.
Lesa meira . . .
Geðslag ökumanna
Flest slys og óhöpp í umferðinni má að einhverju leyti eða öllu skrifa á mannlega þáttinn. Sem dæmi má nefna að ökumenn aka ekki miðað við aðstæður, ofmeta eigin getu, taka óþarfa áhættu, sýna óábyrgt aksturslag og svo framvegis. Þá hefur andlegt ástand þeirra og geðslag oftar en ekki áhrif á frammistöðu þeirra í umferðinni. Það er ljóst að ökumaður sem er reiður eða í uppnámi er ekki jafnhæfur til að stjórna bíl og sá sem er í andlegu jafnvægi. Þá getur enn fremur streita og óþolinmæði haft óæskileg áhrif á aksturlag ökumanna. Ónefndir eru þeir ökumenn sem aka eins og þeir eigi veginn, taka ekki minnsta tillit til annarra vegfarenda og sýna þeim jafnvel dónaskap og ruddahátt.
Lesa meira . . .
