Umferðaröryggi

Umferðarstofa vill minna á að lögregla höfuðborgarsvæðisins er með sérstakt eftirlit með því að ökumenn noti handfrjálsan búnað við akstur. Ökumenn eru vinsamlega beðnir um að vera ekki að nota síma við akstur en í neyð skal nota handfrjálsan búnað svo komist sé hjá töfum og truflun við akstur.

Þegar ekið er um í þoku utan þéttbýlis borgar sig að nota þokuljós bæði aftan og framan á bílum. Það er hinsvegar jafn nauðsynlegt að slökkva á þokuljósunum þegar komið er inn í þéttbýli eða skyggnið lagast. Sú mikla birta sem stafar af þokuljósum getur haft mjög truflandi áhrif á aðra ökumenn og því skal einvörðungu nota þau í þoku eða slæmu skyggni.